Ŋwàʼlɨ̀ 1 Samwèl
1 Ghɨ bzɨ Samwèl
1 Wùl ɨ̀lvì nɨn læ meyn nà ghɨ izɨyn i ŋweyni ghɨ Elkanà. Wu nà n-chî a ntèʼ Lamà ilaʼ ili atu kfɨ̀yn ghɨ toŋtɨ̂ na Efɨ̀lèm. Wu nà n-ghɨ wâyn Jèlohàm, Jèlohàm ɨ ghɨ wâyn Elihù, Elihù ɨ ghɨ wâyn Tohù, Tohù ɨ ghɨ wâyn Zuf ilaʼ nâ ghè. 2 Elkanà nà n-kelɨ ghɨ̀ki ghɨ̀bò, a ghɨ Hàna ŋêyn Bèninà. Bèninà nà n-kelɨ woyn mɨtì Hàna kelɨ wi. 3 A nà n-ghɨ mɨ a bêŋ ìkà Elkanà ɨ koʼ a Shilò sɨ koʼsɨ Bôbo Fɨyini sɨ fì sɨ fu ifu sɨ̂ ŋweyn. A nà n-ghɨ ɨtuʼ nâ ghè, ngàŋsɨ ndô Fɨyini sɨ ghɨ woyn Eli, ghɨ toŋtɨ̂ àŋena na Ofɨ̀nì ŋêyn Fineghàs. 4 Elkanà nà n-fu ìfu sɨ̂ Bôbo nô mɨ ɨlvɨ gha, wu fu ɨlwêʼ ɨ nyâm ɨlvi sɨ̂ wî ŋweyn Bèninà ŋêyn woyn ŋweyn ghɨlûmnɨ̀ nɨ ghɨki nô ghɨ̀jɨ̀m. 5 Wu nà n-kôŋ wî ŋweyn Hàna nô ajûŋ nô mɨ ta Bôbo nà n-ghɨ bula wù fu woyn sɨ̂ ŋweyn ɨ̀ nì wu fu kɨ nô àlêʼ a nyam a ghaʼnɨ-a sɨ̂ ŋweyn. 6 Fɨfɨ̀ ŋweyn Bèninà nà n-faŋ wi tɨ̀ nà luʼsɨ Hàna, nî na ɨtoŋ ŋweyn na yafa ta Bôbo nà n-ghɨ bula wù fu wayn sɨ̂ ŋweyn tì.
Share
- Release Date
- 2022/12/05
